Rannveig Vigfúsdóttir

2003-11-12T22:55:00.000Z

Kæra dagbók!
Hvernig hefur þú það? ég er orðin verulega leið, svo vægt sé til orða tekið, á "enskukennsluefnis-leysinu". Ég er alltaf að ljósrita upp úr annars ágætum bókum en ljósritunarvélarnar vilja bara ljósrita eftir eigin geðþótta. Ég er orðin nokkuð fær í að gera við lítilsháttar erfiðleika hjá ljósritununarvélunum og bíð nú bara spennt eftir næsta launaseðli því ég hef sem sé bætt við mig enn einni sérfræðingsþekkingunni og hlýt náttúrulega að fá laun samkvæmt því. Ég ætti kannski að ganga með sólgleraugu alla daga, allan daginn.
Annars er ég að vinna við stuttan hnitmiðaðan ritdóm um eina kennslubókina núna og er að verða kannski helst til mikill nöldurseggur þannig að það vegur upp á móti víðáttu bjartsýninni.
Fór í dag með mömmu til augnlæknis og alveg merkilegt augnlæknir sem sérhæfir sig í augnsjúkdómum (sem ég hélt að hrjáðu helst eldra fólk) er með stofu í gömlu húsi sem eflaust var eitt af þessum fínu skipstjóra og stýrimannahúsum fyrir miðja síðustu öld. Stofan upp á annarri hæð, fyrst farið upp fjórar tröppur úti, fimm eða sex inni og þá er maður komin í afgreiðsluna og er þaðan vísað upp á aðra hæð, upp brattan stiga með miklum snúningi í. Ég studdi frúna upp í stigann, en hún er fremur fótafúin eftir þrjátíu ára liðagigt og óvanalega slöpp eftir að hafa fengið vatn í lungun í síðustu viku, kemur ekki á móti okkur enn eldri kona að því er virtist um nírætt með hækju í annarrri og staf í hinni. Um tvennt var að ræða: að falla allar ellegar að grípa mömmu til hliðar og hitta á óskastund eða verða bænheyrð, annað hvort gerðist því við sluppum allar ómeiddar að þessu sinni. Se, betur fer tilkynntir augnlæknirinn að þau mundu flytja í nýtt húsnæði með "betri aðkomu" (hversu miklu veit ég ekki) í febrúar. Ég vona að við þurfum ekki að mæta aftur fyrr en í mars, kannski verð ég bænheyrð aftur alla vega held ég að minni von sé með óskastundina.
Bless, bless kæra dagbók.

2003-11-09T16:36:00.000Z

Kæra dagbók!
þá er ég loksins mætt aftur á svæðið. Þemavikan í skólanum búin. Yfirskriftin var Víkingatímarnir. Þetta var nú miklubetra en ég hafði þorað að vona og nemendur mjög duglegir að vinna . Ég var í vinnustofu sem hét "skartgripagerð", hefði kannski átt að heita handverk víkinganna, en allavega tókst þetta vonum framar og flest allir voru ánægðir með verkefnin. Nú ganga flestir únglíngar Setbergsgskóla um með leðurarmbönd og krílaðar lykklakippur og margir eiga þessi líka flottu hnýttu belti. Ýmislegt fleira unnu þau og mörg voru með hugmyndaflugið í góðu lagi og þurfti ekkert að mata þau en það finnst mér alltf svo gott.
Við hjónin fórum í fertugsafmæli í gær hjá vini okkar og vorum við matarklúbburinn búin að undirbúa þennan líka fína hrekk sem tókst mjög vel en við urðum að sleppa hluta hrekksins þar sem afmælisbarnið snéri aldeilis á okkur með því að gifta sig í kyrrþey, unnustunni til tuttugu ára og barnsmóður, og um leið meðlimi í matarklúbbnum. Gott hjá þér Jói, eitt - núll fyrir ykkur. Við náum jöfnu þegar Sigrún verður fertug nægur er tíminn til undirbúnings.
Nóg röfl í bili og engin pólitík, hvaða tík er nú það?
Bless, bless kæra dagbók.

2003-10-28T22:56:00.000Z

Kæra dagbók!
Þá er ég búin að vera í skólanum í dag þ.e. að læra sjálf en ekki að pína únglínga. Ég er náttúrulega yfirfulll af visku. Þó er ég mest ánægð með að vera komin í gott samband við KHÍ. Kannski maður fari þá að skila af sér einhverju af viti og hætti að leika sér í tölvunni.
Annars virkar það að fara inn i kennó alltaf mjög styrkjandi á mig og ég verð miklu duglegri að vinna, ekki bara í vinnunni heldur líka heima. Ég ætti kannski að sækja um að fá að vera í skólanum oftar. Þá yrði náttúrulega hætta á að ég stoppaði aldrei og gerði útaf við alla í kringum mig. Ekki skemmtileg tilhugsun, en jæja ég ætla samt að fara á netið og skoða spennandi síður fyrir kennara og námsfólk.
Bless, bless kæra dagbók.

2003-10-25T11:14:00.000Z

Kæra dagbók!
Nú virðist ég vera vel í sambandi. Ég á í töluverðum samskipta erfiðleikum við heimilistölvuna eins og svo oft áður. Þegar ég var loksins komin í gott samband við Kennó þá datt niður allt intenet samband mitt en eftir löng símtöl við þjónustuaðila þá er þetta allt í góðu lagi í augnablikinu. Útkoman er sem sé sú að ég rekst illa í samböndum enda engin framsóknarkona. ´Núna ætla ég að nýta tölvubyrinn og fara að vinna, læra heima.
Bless, bless kæra dagbók.

2003-10-19T22:52:00.000Z

Kæra dagbók!
Ég verð bara að tala við þig því WebCT vill ekkert við mig tala ég ætlaði að vera svo gáfuð og leggja eitthvað til málanna í námi mínu en hvernig sem ég reyni þá næ ég ekki að setja neitt inn á WebCT svo samnemendur og kennari verða að vera án minnar miklu visku. Kannski hefur tæknin bara vit fyrir mér og vill ekki að ég sé að básúna út einhverrri vitleysu, látum soninn bara um básúnuna.
Mér finnst að elliheimili á Íslandi ættu að vera með sömu kvöðum og leikskólar. Leikskólar hér í Hafnarfirði vera að taka inn öll börn sem sækja um vist þegar þau hafa náð 2 ára aldri. Mér finnst að öll elliheimili ættu að taka fólk inn sem æskir þess með svipuðum skilyrðum og til þess að vera ekki of frek þá vil ég bara miða við svona 78 ára aldur og jafnvel þó að gamalmennið sé kvenkyns. Ég held því fram að fólk á þessum aldri þurfi ekki minni umönnun og en börnin og það þurfa allir að vinna fyrir framfærslu sinni og ýmislegt fleira. Hver á þá að sjá um foreldrana sem þurfa umönnun . Svo ég fari nú ekki að röfla líka um meðalakostnaðinn sem þetta gamla fólk þarf að greiða.
Jæja nú ætlar frúin að fara í heitt bað við kertaljós og hætta öllu röfli í augnablik.
Bless, bless kæra dagbók.

2003-10-19T00:33:00.000Z

Kæra dagbók!
ÉG er eina mamman á Íslandi sem reynir að virða útivaistartíman, góður tiltill "útivistartíma löghlýðnasta mamma á Íslandi". Bíddu við hvar er orðan. Ég streytist við eins og ég veit ekki hvað að halda þessa reglu og fá yngri únglínginn minn heim á tilsettum tíma. Hinar stúlkurnar fá alltaf að vera lengur og ef ég spyr hvað þær meigi vera lengi þá er fátt um svör í mesta lagi "ég á að fara inn þegar Inga María fer inn" (minn únglíngur). Þokkalegt svar, en ég ætla að standa undir nafnbótinni og verð væntanlega sæmd stórriddarakrossi fyrir vikið.
Ég er loksins komin í samband við kúrsinn í Kennó og vonandi verð ég dugleg að læra næstu dagana því ég er svo rosalega langt á eftir áætlun. Reyndar var ég að lesa í dag að einn samnemandi minn hefði hætt námi. Ég varð nú svolítið kvumsa við þar sem að þetta var nemandi sem mér fannst alltaf svo dugleg að læra og alltaf búin að vinna miklu meira en ég. Hún hefur eflaust mjög góðar ástæður fyrir að hætta námi en vonandi eru þær ekki að námið hafi verið of víðamikið því þá er ég í djúpum sk.. eða þannig sko.
Jæja nóg í bili.
Bless, bless kæra dagbók.

2003-10-15T22:21:00.000Z

Kæra dagbók!
Ég hef mikinn móral yfir því að vanrækja þig svona en mér finnst endilega að ég eigi að miðla þér af visku minni en hún þ.e. viskan þarf víst að vera til staðar svo hægt sé að miðla af henni.
Nám mitt í Kennó gengur ekki alltof vel af ýmsum ástæðum m.a. á ég við tæknivandamála að stríða. Ég á þó von á að eitthvað (eikkað) fari að gerast því ég er búin að gráta og fá menn mér til aðstoðar.
Í dag fór ég í smá verslunarleiðangur eða réttara sagt sendi nöfnurnar, dótturina og tengdamömmu í búðir. síðan mætti ég sem frelsandi engill og gaf mitt mat svo hægt væri að versla en þá höfðu ákvarðanatökur verið í röska tvo klukkutíma í fæðingu. Nöfnurnar er nu með það alveg á hreinu að "hin" Inga Marían er sú alerfiðasta í búðum og sú sem er allra kvenna lengst að versla sér föt. Tvö:núll fyrir mér!!!!!!!!
Hafðu það sem allra best kæra dagbók og þú færð vonandi að heyra í mér flótlega aftur.
Bless, bless kæra dagbók.

2003-10-05T18:21:00.000Z

Kæra dagbók.
Vonandi hefur þú það gott. Ég er að reyna að læra en það er meira gaman að skrifa einhverja vitleysu á bloggið. Í blöðunum í dag sá ég að Salvör Gissurar sem kom mér í bloggið er bloggari mánaðarins, flott hjá henni en ég er ekki hissa hvað ætli hún hafi marga bloggara á "samviskunni"? Alla vega réttmæt tilnefning.
Ég tók að mér tvö börn í gærkvöldi sem ekki vildu vera hjá foreldrum sínum eða foreldrarnir vildu ekki hafa, reyndar voru foreldrar annars barnsins að fara á árshátíð en hins í afmæli. Allavega ég var heppin að fá þessa tvo öðlinga til mín því minn strákur var í æfingabúðum með einna af lúðrasveitunum sem hann er í. Þetta gékk allt saman mjög vel en eftir á að hyggja þá skil ég mjög vel að dóttirin skyldi vilja vera heima til að aðstoða foreldra sín við pössun þessara skæruliða því ekki hefði ég heldur treyst okkur fyrir þessum drengjum. Hún sem sé ákvað að axla ábyrgðina með foreldrum sínum og fuði sé lof. Eitt er víst að mikið vorum við sniðug að vera ekki að bæta á okkur börnum á gamals aldri. Ég var alveg búin að gleyma að börn hefðu hreyfiþörf og að allt þarf að skoða "betur". Ekki reyndi mig í grun að það tæki svona stuttan tím að gleyma. Mín börn eru 13 og 15 ára, sem sé únglíngar.
Bless bless kæra dagbók.

2003-09-12T19:10:00.000Z

Kæra dagbók!
Þá er komin helgi hjá mér, því hún byrjar kl:14:00 á föstudögum í vetur. Pitsa var að koma í hús, best að byrja að njóta helgarinnar.
Bless. bless kæra dagbók.

2003-09-10T20:46:00.000Z

Kæra dagbók!
Ég var svo rosalega klár að setja inn íslensku stafina (reyndar var það ekkert mál, heppnaðist í fyrstu tilraun). Hver hefði trúað þessu, rúmlega fertug ljóshærð, kennslukona í Hafnarfirði. Svona getur það nú verið. Það er nefnilega þetta með ljóskurnar og Hafnfirðinga. Hvað er þetta svo með mig, að minnsta kosti fjögur atriði sem mæla gegn frama mínum í tölvugeiranum og ég sem hef alltaf haldið að þetta væri bilun í tölvunni eða vírus. Ég sótti meira að segja um fartölvu, "laptopt" hjá skólayfirvöldum í dag til þess að geta sinnt starfi mínu á fleiri vegu en bara að pína únglínga. Ég hef nefnilega nýtt tölvurnar til að útbúa "glærusjów", verkefni, próf og síðan sett inn syndir nemenda og nálgast þær þegar vel hentar. Ojjj og Ojjj það er þá ekkert að minni tölvu´, hún er ekki mánudagsvél heldur er ég ljóska, Hafnfirðingur og rúmlega fertug kennslukona sem þá líka útskýrir að þetta bráðnauðsynlega heimilistæki virkar líka illa hjá öðrum heimilismeðlimum því að ég er jú húsbóndi á mínu heimili og áhrifa minna gætir víða.
Af fenginni tölvureynslu þá ætla ég ekki að láta frá mér fara meiri vísdóm að sinni því að "því lengri skrif, því meiri hætta á að allt detti út" mín kenning en kannski bara af því að ég er R.F.K.L.H.
Bless, bless kæra dagbók.

2003-09-09T15:17:00.000Z

Kæra dagbók!!
Nú vona ég að íslensku stafirnir komi réttir. Þetta er að vísu í fyrsta skipti sem ég reyni að íslenska þá.
Nú á nefnilega að hefja nám að nýju í KHÍ, gangi mér vel.
Ég ætla að finna tíma til þess því áreiðanlegar heimildir segja mér að ég eigi tíma aflögu "so good luck".
Nú er bara að pósta alla íslensku stafina og skoða.
Bless bless kæra dagbók.

2003-08-21T23:39:00.000Z

Kæra dagbók.
Nú er ég að prófa að blogga því undanfarið hefur netsambandið rofnað þegar ég hef verið búin að láta frá mér einhvern mikinn vísdóm. Kæra dagbók þú verður því miður að vera án þessa vísdóms því ég tek ekki fleiri sénsa.
Bless, bless kæra dagbók.

2003-08-07T18:24:00.000Z

Kæra dagbók!
Varstu nokkuð búin að gleyma mér? Nú ætla ég að reyna að byrja aftur að blogga en ég hef ekkert unnið frá því að ég rifbeinsbraut mig, að minnsta kosti eitt var brotið og annað brákað ef ekki brotið líka. Ég var rosa lengi að ná mér og vegna rangrar líkamsbeitingar þá tók brjósklosið sig upp en ég er heppinn því önnur eins veðurblíða hefur ekki verið í mörg ár. Þess vegna hef ég gengið töluvert á jafnsléttu mér til hressingar og legið í sólbaði ofsa fínt frí. Jæja nú er að elda kvöldmatinn og rita eitthvað af viti síðar.
Bless bless kæra dagbók

2003-06-01T20:44:00.000Z

Kæra dagbók.
Loksins var ég að hressast eftir að hafa fengið slæman vírus og víst nokkuð hættulegan að sögn lækna. Mín ákvað að mesta hressingin fælist í því að fara að hjóla í vinnuna til að undirbúa sig undr Þórsmerkurferð með únglíngunum sínum. Hvað gerist! er bara ekki einhver "besservisser" að vísu ekki með hatt sem svínar fyrir hina fræknu hjólreiðakonu og að sjálfsögðu þarf að taka hressilega í bremsur nema hvað hjólreiðakappinn fellur fram fyrir sig en ökumaður hins fjórhjóla vélknúna ökutækis ekur á braut án þess að athuga með knapann knáa sem að vísu setti evrópumet í því að koma sér upp á hjólið aftur og halda áfram ferð sinni. Nema hvað eftir að hafa prófað 26 nemendur í munnlegri ensku strax eftir fallið sagði einn samkennarinn eitthvað smellið og það var kvalarfullt að hlæja. Knapinn fer fyrir áeggjan nokkurra samstarfsmanna á heilsugæslustöðina og reynist vera rifbeinsbrotinn. Þetta var á miðvikudag og verkirnir fara versnandi mér til mikillar armæðu, engin Þórsmörk í ár og erfitt að ganga frá prófum hvað þá að taka til í skólanum, heimilið situr á hakanum. Eitt er þó gott við þetta ég væri varla brúnni þó ég væri erlendis en annars ég er arfafúl bæði við heimilismeðlimi og aðra (ég held að sonurinn sé öfundaður þar sem hann er á keppnisferðalagi erlendis). Ég er svefnlaus, get ekkert gert af viti og finn alltaf til við minnstu hreyfingu og mikið er erfitt að klára klósettferðirnar svo vel sé. Jæja ég vona að einhver vorkenni mér, nú ætla ég að setjast með erfiðismunum og stunum aftur út í kvöldsólina.
Bless Bless kæra dagbók.

2003-05-26T22:55:00.000Z

Kæra dagbók.
Allir komnir í próf í mínum skóla, ofsa gaman. Mín eigin börn eru hins vegar næstum búin, eiga bara sitt prófið hvort eftir. Sonurinn ætlar til Svíþjóðar á körfuboltamót sem haldið er í Gautaborg. Hann fer á miðvikudaginn 28. maí og kemur heim 2. júní en svo förum við 8. júní til Þýskalands í tónleikaferð. Þar ætlar sveinninn ungi að spila fyrir Þjóðverja ásamt lúðrasveitinni sem hann er í en það er Lúðrasveit Tónlistaskóla Hafnarfjarðar. Hann ætlar líka að spila þarna úti með Big Bandinu sem hann er í avo fjörið verður nægt. Við fórum fyrir tveimur árum með sömu sveit hann sem spilari en ég sem farastjóri og það var mjög góð ferð og eftirminnileg. Við erum að fara á hátíð sem kallast "Schossen Fest", samkvæmt frábærri þýsku kunnáttu fjölskyldu meðlima, útleggst sem skothátíð á okkar ylhýra! Við vonum náttúrulega að þessi ferð verði ekki síðri en sú fyrri.
Ég er hins vegar að hressast en afar hægt, ótrúlega þreytt alltaf, en það er víst eðlilegt þegar maður fær svona flensuvírus í lífffærin. Ég ætla samt að komast í Þórsmörk með únglíngunum mínum þ.e. mínum umsjónabekk, þeim til mikillar ánægju geri ég ráð fyrir.
Bless, bless kæra dagbók.

2003-05-21T09:18:00.000Z

Kæra dagbók.
Nú er ég búin að mæta í kennslu í tvo daga en mikið er nú gott að komast í bólið á eftir. Ég held að ég sé nú samt öll að koma til. Únglíngarnir mínir fóru í starfskynningu í gær og verður eflaust gaman að heyra í þeim. Einhverir vildu fara á lögreglustöðina en sumir voru ekki velkomnir, það var vegna fyrri heimsókna á lögreglustöðina í öðrum erindagjörðum og kannski ekki af eigin ósk. Það var nú svolítið pínlegt fyrir mig að biðja um að viðkomandi fengi að vera einn dag í starfskynningu en fá svo neitun á þessum forsendum og ég sem hélt að allir í mínum umsjónabekk væru með geislabaug ef ekki líka vængi.
Nú ætla ég að drífa mig í kennslu.
Bless bless kæra dagbók.

2003-05-14T20:19:00.000Z

Kæra dagbók.
Þá er það afmælisdagur stjórnmálafræðinganna Ólafur Ragnar á stórafmæli og minn ektamaki Eyjólfur á líka afmæli. Ólafur Ragnar var líka kosinn forseti daginn sem við giftum okkur, merkilegur dagur í lífi beggja stjórnmálafræðingann 29. júní 1996 ekki satt. Annar heldur stóra veislu í Borgarleikhúsinu og allir eru velkomnir hinn fær kannski köku heima ef mamma hans mætir með hana í nesti. Hér er nefnilega engum heimilisstörfum né öðrum störfum sinnt af húsmóðurinn sem þrátt fyrir góðan vilja hressist afar hægt og sígandi en hressist þó.
Jæja þreytt þreytt og svo þreytt!!! Þetta er víst flensu vírus sem er að gera mér lífið leitt og getur verið stórhættulegur sýnist honum svo þannig að það er eins gott að fara varlega og vera hlíðin þ.e. fara eftir fyrirmælum læknanna og hafa hægt um sig. Mikið hefði nú samt verið gaman að geta skráð niður fræðilega heitið á þessu fyrirbæri en á latínu er það um það bil eina lína.
Bless bless kæra dagbók.

2003-05-13T20:29:00.000Z

Kæra dagbók.
Mín bara enn í veikindaleyfi búin að liggja mikið en er vonandi að hressast. Aumingja únglíngarnir mínir eru án síns kvalara og fá forfallakennslu en mín reynsla er sú að forfallakennarar muna of vel hvað var gaman að fá forfallakennara og ræða um allt milli himins og jarðar. Mínir nemendur þroskast vonandi vel þessa dagana og taka allir þátt í þroskandi umræðum.
Annars var fjölskyldan að fá sér þessi líka rosa fínu garðhúsgögn og það var gaman að fá tengdaforeldrana til að vígja settið á laugardaginn í þessu líka fína veðri. Ég sat að vísu eins og klessa og lét þjóna mér enda algjör amlóði þessa dagana kemst varla á milli hæða. Á sunnudaginn (þegar ég hélt að ég væri orðin hress) þá sat ég úti í sólinni og fékk mömmu og Hinna bróður í kaffi og það var alveg meiriháttar. Ég tala nú ekki um þegar eiginmaðurinn og sonurinn voru að púla við að koma öspinni niðursöguðu á kerru. Það hafa nefnilega átt sér stað mikla framkvæmdir hér að undanförnu því miður hef ég bara verið áhorfandi og varla þó, ég sem hef svo gaman af öllu svona veseni. Á föstudaginn var leigð vélsög og eiginmaðurinn vann að því hörðum höndum að fella tvær stórar og miklar aspir á lóðinni. Önnur var fyrir framan hús og var farin að brjóta upp stéttina, þar þarf að helluleggja upp á nýtt. Hin var fyrir aftan hús og tók af allt sólskin í sólaraðstöðunni og þegar hún var fallin uppgötvuðum við að hún hafði líka skyggt töluvert á útsýnið okkar. Nú sjáum við Keili mjög vel svo við erum alsæl svo ég tali nú ekki um sólaraðstöuna sem verður örugglega vel nýtt í sumar.
Kæra dagbók ég verð vonandi duglegri við tölvuna þegar ég fer að hressast sem verður örugglega á morgun.
Bless bless kæra dagbók.

2003-05-08T17:10:00.000Z

Kæra dagbók!
Nú er mín bara í veikindaleyfi og fékk reyndar skammir há lækninum fyrir að hafa verið að vinna. Doktorinn er afar óánægður með hreysti konuna mig sem á góðum degi er í mun betra formi en aldur og fyrri störf gefa til kynna. Hvað um það nú vinn ég að því hörðum höndum að "batnast" og mæta hress til vinnu í næstu viku, tilbúin til að halda áfram að pína únglínga. Únglíngarnir mínir eru í samræmdu prófunum "ógurlegu", ég hef nú fulla trú á þeim flestum því þetta eru upp til hópa fyrirmyndar úngmenni, opin og skemmtileg.
Nú er karlmaður í eldhúsinu hjá mér að gera við eldhúsinnréttinguna sem okkur mæðgum tókst í sameiningu að "bila". Það er svona eyja í miðju eldhúsi, ætluð til að sinna eldhússtörfum á, en gáfnaljósinu á heimilinu datt í hug að nýta þetta sem nuddbekk þegar heimasætan var með bakverk en svo illa vildi til að eyjan gaf sig vegna þess svo undarlegt sem það er þá var þessi eyja ekki ætluð til að bera fólk en það er einmitt það sem hún á að gera eftir viðgerð. Heimasætan fær oft í bakið eftir bílslys sem hún lenti í ásamt mági mínum, svilkonu og ungum syni þeirra í mars 1999. Það var ungur karlkyns ökumaður um tvítugt og undir áhrifum áfengis sem ók aftan á bíl mágs míns á yfir 150 km/klst þar sem hámarkshraði er 70 km/klst, reyndar var mágur minn á um 70 km/klst. Þökk sé ökumannshæfileikum mágs míns þá slapp hans fjölskylda og dóttir mín án mikilla meiðsla en svilkona mín og dóttir er báðar mjög slæmar í baki á eftir og svilkonan reyndar úrskurðuð með örorku á eftir. Hvað er þetta annað en tilraun til manndráps. Ég vona að þetta hafi verið í síðasta skipti sem þessi ungi ökuþór ekur undir áhrifum áfengis en þetta var víst ekki í fyrsta skipti en allavega var faðir hans miður sín eftir slysið en við höfum aldrei heyrt frá sjálfum ökumanninum.
Jæja nú er komið að hvíldar stund hjá mér, annars finnst mér furðulegt að geta sofið í 14-18 tíma á sólahring og vera samt þreytt og ég af öllum nenni ekkert að tala, ég vona að fjölskyldan njóti þess.
Bless bless kæra dagbók.
Jæja

2003-05-04T23:06:00.000Z

Kæra dagbók.
Langt síðan þú hefur heyrt í mér en söku heilsuleysis/aumingjaskapar hef ég ekki sest niður við játningar að undanförnu. Gamall og þaulsetinn kunningi hefur sem sé bankað upp á. Ég hef verið með versta móti af asma síðan fyrir páska og í rauninni síðan í febrúar en örlítið birti upp um síðustu helgi og ég brá mér til London ásamt mínum ekta maka. Við áttum góða daga í London, fórum á ABBA og beint á Japanskann veitingastað, frábært kvöld. Á sunnudaginn fórum við svo í Covent Garden og urðum óvænt vitni að frá bærum útitónleikum. Sem sé góð helgi: góður matur, góð tónlist og frábærar skoðanaferðir um borgina.
Samkvæmt læknisráði þá ætla ég að vera heima á morgun (mér var bannað að fara í vinnuna) en ég hef mætt alla daga í vinnuna en legið svo í bælinu aðra tíma sólahringsins ofsa fjör.
Þetta verður vonandi til þess að ég verði tölvuóð og vinni af kappi þegar ég hef náð mér.
Bless bless kæra dagbók.

2003-04-22T08:54:00.000Z

Kæra dagbók!
Þá er það skipulagsdagur í vinnunni og nú á að skipuleggja fyrir næsta vetur, ég sem á fullt í fangi með að skipuleggja daginn í dag. Ég skána lítið í höfðinu, vöðvaslakandi meðferðin bar ekki árangur en nösk kona lagði til að ég liti til augnlæknis en þeir virðast vera eitthvað afar uppteknir. Heimilislæknirinn á tíma eftir 11 daga, ég er á biðista hjá augnlækni mér þótti það öruggara. Börnin vilja meina að ég sé með tölvuvírus sem ég hafi fengið vegna of mikillar setu fyrir framan tölvuna ég er búin að taka mér gott frí síðustu daga og verð að viðurkenna að ég er mun skárri. Það leiðir nú líkur að því að þetta séu augun.
Jæja nú nenni ég þessi röfli ekki lengur og ætla að fara að taka upp léttara hjal við að skipuleggja næsta vetur!!!!!!
Ég verð nú fyrst að nefna að við gárungarnir hjónin samhentu í norðurbænum tókum okkur til í gær og fórum út í garð. Við höfum ekki haft garð til umráða áður þó svo að við séum bæði alin upp í einbýlishúsum með garði þá var það nú ekki okkar verk að sjá um þá. Við sem sé fórum og fengum garðverkfæri lánuð hjá tengdamömmu og létum á okkur þessa líka fínu garðhanska. Ég hreinsaði undan trjám og í beðum vandaði mig alveg sérstaklega við að hreinsa í kringum þetta líka flotta blóm kom þá ekki eiginmaðurinn og vildi rífa þetta blóm upp því að það væri illgresi. Þá var bankað eiginmaðurinn fór til dyra en ég hóf að hreinsa í kringum þetta líka flotta blóm. Það var garðyrkjufræðingurinn vinur okkar og frú sem voru komin í heimsókn. Gestirnir héldu rakleiðis út í garð og garðyrkjufræðingurinn tjáði okkur að þetta "illgresi" hans Eyjólfs væri þessi fína planta sem blómstraði bleiku en ekki illgresi. Kannski hefur honum Eyjólfi mínum fundist það of "Feminiskt" fyrir garðinn. Allavega hitt flotta blómið var rifið snarlega upp með rótum af garðyrkjufræðingnum og við alvarlega vöruð við þessu afar slæma illgresi. Af þessu má ráða að okkur tveimur er ekki treystandi fyrir garðræktinni án eftirlits, það sést best á því að ég man hvorki nafnið á illgresinu né fínu bleiku plöntunni. Jæja þá er það fundur. bless bless kæra dagbók.

2003-04-17T21:29:00.000Z

Kæra dagbók.
Þá er að kveldi kominn Skírdagur og senn mun upp rísa Föstudagurinn langi sem ég vona að verði nógu langur til að ég sjái árangur af því sem ég er að reyna að gera í náminu. Annars er ég alltaf að farast í höfuðverk, kannski eru það bara beinverkir því mér hefur ekki fundist vera mikið þarna inni upp á síðkastið þó að ég hafi skorað hátt á greindarprófi sem ég tók á netinu og það er eflaust mikið að marka það. Nú er ég að reyna vöðvaslakandi meðferð sem felst í því að vera með hitapoka og svo ætla ég í heitt bað á eftir. Ég get ekkert unnið þegar ég er sem verst og ég hef haft höfuðverk í viku með afar stuttum hléum eða skárri tímum ætti ég frekar að segja.
Hins vegar efndi ég loforð í dag og fór á kvikmyndahús (var örlítið skárri þá í höfðinu), við sáum "Jonny English". Mikið gat ég og mín fjölskylda hlegið af þessari vitleysu en mín stefna er að vera ekki að velta mér upp úr leiðindum og vandamálum í bíó það er nóg af þeim í daglega lífinu. Þeir sem eru sama sinnis ættu að bregða sér á þessa mynd, það eru mörg "fynd" í henni. Ég hef heft það fyrir hefð í mörg ár að á jólum og á páskum á að sjá að minnsta kosti eina mynd í bíó og á sumrin skal minnst ein heimsókn á kvikmynda´hús vera. Ég hef nú ekki alltaf staðið við þetta en þó hefur það staðist síðasta árið. MB II síðasta sumar, Lord of the Rings og Harry Potter um jólin og svo Jonny English núna. Reyndar eru tvær myndir allavega í kvikmyndahúsunum í viðbót sem mig langar að sjá, Shanghai Knights og Just Married (með dótturinni).
Jæja nú er hitapokinn að kólna svo ég ætla að setja hann aftur í örbylgjuna.
Bless bless kæra dagbók.

2003-04-15T22:49:00.000Z

Kæra dagbók.
Ég hef verið ágæti í því fyrirheiti að rækta vinina. Í gær fór ég með Magneu á kaffi hús og í dag með Eddu í banka og heim til hennar á eftir og drakk allt kaffið hennar og át eina "Napoleonshattinn" sem til var á heimilinu. Ég hef líka reynt að rækta ættingjana og fékk Þórdísi mágkonu í tæplega tíu dropa af kaffi í gær (ég er ekki svona nísk hún var bara að flíta sér). Hún skyldi Jóhann eftir svo að ég ræktaði ættingjana enn meira, hann sat hér í næstum tvo tíma og lék sér í tölvuleik. Ég þurfti svolítið að ganga um húsið svo að ég gleymdi honum ekki alveg. Nú svo fór ég með mömmu á kaffihús í dag. Mér finnst ég bara nokkuð dugleg. Námi?´Bíddu við kæra dagbók maður getur nú ekki gert alllllllt. Ég gerði reyndar Leiðaljós-próf, þ.e. hvaða karakter ég líkist mest, hér að neðan eru siðurstöðurnar, það er verst að ég hef ekki séð þáttinn svo ég veit ekkert hver þessi karakter er en ég vona að karakterinn sé kvenkyns.
"Hvada Leidarljos karakter ertu?" - Results:

Blake Thorpe: Thu ert illgjorn kona sem svifst einskis til ad koma ser a framfaeri, baedi i atvinnu og astum! Pabbi thinn er rikur og voldugur og thu notar sambond hans oft til ad koma ther a framfaeri. Nuverandi elskhugi thinn er fyrrverandi elskhugi modur thinnar og erkiovinur pabba thins! En thad stodvar thig ekkert!
Prófið fékk ég af bloggsíðu eins nemanda míns ég var nefnilega að athuga hvort hún væri ekki alltaf jafn "dugleg" að læra. Allavega hér er prófiðJæja nú ætla ég að fara að lesa blogg og forvitnast um aðra.
Bless bless kæra dagbók.

2003-04-14T16:06:00.000Z

Kæra dagbók.
Þá er loksins komið langþráð páskafrí. Ég ætla að vera dugleg að læra í páskafríinu og hreinsa og taka til og rækta vinina (sem ég hef vanrækt rækilega) og heilsa upp á ættingana og bjóða fólki í mat og fara út að ganga og fara í líkamsræktina og fara á bíó með fjölskyldunni og .....Hvað er páskafríið annars langt? Jæja þá er nú best að forgangsraða og taka svo til við að skipuleggja og ég verð líklega búin að því þegar páskafríið er búið.
Annars var ég að sækja mér contribute foritið hjá Macromedia og ætla að fara að skoða það.
bless bless kæra dagbók.

2003-04-12T09:05:00.000Z

Kæra dagbók.
Ég er mætt inn í Kennó. Núna er staðbundin lota það er ég verð að mæta til að innbirða visku. Nú erum við farin að huga að lokaverkefni og ég er bara nokkuð ákveðin í því sem ég ætla að gera en ég á eftir að ganga frá svo mörgu öðru að það verður aðeins að bíða. Björn verður núna með umfjöllun um "flugeldana" og það er eitthvað sem ég hef gaman af.
Nú sitja nemendur mínir eflaust sveittir í prófaundirbúningi og nu er aðalmálið að vera skipulagður. Námsráðgjafinn fór aðeins í prófaundirbúning og það voru mjög góðar leiðbeiningar.
Jæja nú byrjar Björn.
Bless bless kæra dagbók.

2003-04-07T23:38:00.000Z

Kæra dagbók.
Mér tókst það sem ég hélt að ég væri komin yfir þ.e. að eyða færslu, vegna þess að ég var að tala um leið og ég var að setja inn blogg. Húrra húrra fyrir mér.
Jæja ég er allavega búin með rannsóknarverkefnið og líka að skrifa um rannsóknina. Ég þarf að vinna "glærusjóið" uppi í skóla því ég hef ekki rétta forritið en ég hef hins vegar oft unnið svona áður og nota það reyndar töluvert í kennslu hjá elstu bekkjunum.
Aðallega er ég þó spennt að hitta samnemendur í vikunni svo ég tali nú ekki um ef eitthvert geim verður.
Fara að sofa, fara að sofa. Bless bless kæra dagbók.

2003-04-05T10:23:00.000Z

Kæra dagbók.
Þá er ég enn mætt inn í kennó og vonast til að verða rólegri á eftir. Við nánari íhugun þá er ég kannski of róleg því ég er að sjálfsögðu á eftir áætlun með skil á verkefnum. Ég veit þó alveg hvað ég á að gera eða réttara sagt trúi að ég viti það.
Ég er hin fórnfúsa kona því á áætlun var að fara upp í sumarbústað með matarklúbbnum en sökum anna í vinnu og námi verð ég að vera heima og vinna. Fjölskyldan vill ekki fara án mín svo allir verða heima í minni fjölskyldu, gaman, gaman!
Nú ætla ég að fara að einbeita mér að fróðleiknum sem ég ætla að innbyrða.
Bless bless kæra dagbók.

2003-04-02T09:13:00.000Z

Kæra dagbók.
Af mér er nokkuð gott að frétta. Ég er á kafi í vinnu fullt að gera við að undirbúa nemendur fyrir samræmdu prófin. Ég er með tvær samræmdar greinar þ.e. ensku og náttúrufræði. Ég er reyndar fagstjóri í náttúrufræði þannig að ég verð að vera gífurlega skipulögð sem ég að sjálfsögðu er. Það sem hindrar mig helst er að fara eftir þessu skipulagi hentar mér ekki alltaf.
Ég var svo heppin eins og alltaf að tvö að viðföngum mínum í rannsókninni lögðust í inlúensu en ég ætla bara að skipta því sjúklingarnir eru ekki væntanleg á lappir strax. Ég kláraði fyrstu tvö strax og það gékk mjög vel.
Eins og ég sagði áðan þá er ég svo heppin að ég fékk 5000 kall í happdrætti SÍBS og nú ætla ég að kaupa mér peysu hún kostar að vísu 6900 en ég á alltaf nóg af penííngum!!!!!!
Bless bless kærra dagbók.

2003-03-30T15:43:00.000Z

Kæra Dagbók!
Með stórum staf því loksins er verkefnið komið inn á netið en það hefur gengið afar afar brösulega hjá mér. Kæra Lára hér kemur þetta loksins bæði á íslensku og ensku.
ahugasvid_innan_UT.doc

Interest_in_UT.doc. Tölvumálin eru í góðu standi núna og í góðum málum þannig. Ég er byrjuð á síðasta verkefninu og vonast til að geta klárað fljótlega.
Í gær laugardag fór ég ekki inn í Kennó því ég þurfti að baka tvær kökur fyrir kaffisölu hjá Lúðrasveitinni sem strákurinn er í . Í gær voru nefnilega vortónleikar LTH en að þeim loknum er alltaf kaffisala í fjáröflunarskyni. Tónleikarnir voru mjög góðir, ný og skemmtileg verk þar sem sveitin söng líka. Nokkrir krakkar úr sveitinni kváðu sér hljóðs að tónleikum loknum og fluttu gamanmál, sungu grínvísur þar sem þau höfðu samið textann og stiklað var á stóru um það sem gengið hefur á í vetur. Framundan er svo ferð til þýskalands í byrjun sumars.
Jæja nú er ég að fara að vinna í 3ja verkefninu.
Bless bless kæra dagbók.

2003-03-27T19:59:00.000Z

Kæra dagbók!
Ég komst í vinnuna í dag nemendum mínum til mikillar gleði. Ég verð að viðurkenna að ég er svolítið þreytt eftir daginn.
Ég á bara eftir að ganga frá verkefnunum til Láru svo ég er að nálgast það að vera í sæmilegum málum.
Ég ætla að útskýra hjá mér orðið "kostningabarátta", byrjum á að slíta það niður í þrjár einingar. 1. kostn- : sbr. að kosta, vera dýrt, miklir peningar eyðast, kostnaður.
2. -inga- : sbr. Ingi/Inga sem þýðir "konungborin(n), borin til valda, sá sem vill ráða. 3. -barátta: sbr. slagur, átök. Jæja hvað er þetta svo annað, þeir sem telja sig borna til valda eyða fullt af peningum og sér til gamans, jafnvel á minn kostnað eru í baráttu hver við annan.
Jæja þá er að fara að vinna heimanámið, ég er búin að uppgötva svo margt nýtt,skemmtilegt og sniðugt, að undanförnu. Ég get t.d. lagað bloggið og kann aðferð til að nýta mér forritun, mér finnst það bara nokkuð gott.
Bless, bless kæra dagbók.

2003-03-25T21:36:00.000Z

Kæra dagbók.
Ég er enn að berjast við þesa flensu hringdi meira segja í skólahjúkrunarfræðinginn í dag því mér finnst þetta orðið heldur langt. Hún taldi þetta nokkuð algengt að hafa rúmlega 38 stiga hita í viku með tilheyrandi höfuðverk og slappleika, það er eins og ég sé með harðsperrur, aumingja ég.
Ég hef nú samt náð að klambra saman verkefni 2 til Láru, er að vinna í ensku útgáfunni, í smá pásu.
Ég var líka að flétta blöðunum sem komu um helgina og þar á meðal var kosningaáróður frá vinstri grænum og þar rakst ég á stórskemmtilega mynd á baksíðunni. Myndin er af fyrrum skólabróður mínum, fyrrverandi guðfræðinema, fyrrverandi ritsjóra tímaritsins "Bleikt og blátt", núverandi þýðanda, Davíð Þór Jónssyni og ég sé ekki betur en að hann haldi í höndina á Kolbrúnu Halldórsdóttur fyrir aftan bakið á Steingrími Sigfússyni. Nú þykir mér bara fokið í flest skjól ég sem hélt að þetta væru erki óvinir allavega blaðaskrif og ummæli í fjölmiðlum báru það með sér þegar að þau voru að ræða "klámiðnaðinn" á Íslandi fyrir fáum misserum. Allavega virðast þau nú vera í sátt og samlyndi að styðja við bakið á Steingrími. Ég fann því miður ekki heimasíðu hjá þeim.
Ég vona að fleira skemmtilegt komi fram í kostningabaráttunni..
Bless bless kæra dagbók.

2003-03-23T12:24:00.000Z

Kæra dagbók.
Ég mætti í kennó í gær en var svo slöpp og utanvið mig að ég fór heim áður en ég gat meðtekið hinn heilaga sannleik um það sem upp á vantar hjá mér. Ég fór heim og lagði mig og svaf í nær 3 klukkutíma og missti af hádegiskaffi hjá Stóra bróður en hann átti afmæli, eiginmaðurinn var fulltrúi allrar fjölskyldunnar því strákurinn er á Hvamstanga að keppa í körfubolta og stelpan með flensuna og ég í einhverri leti (asnaðist til þess að mæla mig áðan og er með yfir 38 stiga hita og hef líklega haft undanfarna 3 daga að minnsta kosti). Þar sem ég er svo "hagsýn" í fjármálum þá dreif ég mig á tónleika klukkan fimm þrátt fyrir aumingja skapinn. Mér til mikillar gleði sá ég samnemanda minn í nkn uppi á sviði að syngja með Kammerkór Suðurlands, það er sem sé líf fyrir utan námið. Ég verð að segja að mér létti töluvert. Svo þarf ég bara að finna þetta líf!
Þessir tónleikar voru í Hallgrímskirkju og yfirskriftin var "Fíkn er fjötur" en allur ágóði rennur í sérstakan forvarnarsjóð UMFÍ þar sem áhersla verður lögð á að fræða foreldra um fyrstu einkenni og rétt viðbrögð við fíkniefnaneyslu unglinga, mjög þarft málefni. það voru margir kórar og nokkrir einstaklingar sem stigu á svið, langir tónleikar en góðir. Margrét Frímannsdóttir var kynnir og stóð sig mjög vel en var auðsjáanlega orðin þreytt í lokin en hún er eflaust uppörvandi fyrir aðra krabbameinsskúklinga.
Ég var nú óhress með fjölda tónleikagesta þeir hefðu mátt vera fleiri en ég ætti nú ekki að segja mikið því ég hefði eflaust ekki mætt ef eignimaðurinn hefði ekki verið að syngja.
Ég hef verið að kíkja á vinnu annarra nemenda og þetta er svo flott hjá öllum en það sem mér finnst skýna allsstaðar í gegn að allir eru tilbúnir að rétta hjálparhönd og það fann ég svo vel í gær þegar ég mætti í kennó, takk fyrir mig. Gaman líka að sjá að þó nokkrir höfðu tekið kaffiprófið sem ég hafði tekið af síðu hjá einum nemanda mínum.
Jæja nú er ég að gefast upp þetta er eflaust flensan best að hvíla sig smávegis síðan ætla ég að laga bloggið sem ég hef verið að uppfæra og klára verkefni 2 til Láru ein alltaf á eftir áætlun kannski er ég bara svona "sló" ég hef nefnilega alltaf fengið orð fyrir að klára allt á methraða og allt í einu. Ég verð samt að segja að mér finnst fara mun meiri tími í þetta nám en ég átti von á og er varla fólki ætlandi í fullu starfi með fjölskyldu (börn í íþróttum og tónlistanámi) og týpiskan eginmann sem aldrei kemur úr vinnu fyrr en í fyrsta lagi hálf sjö. Jæja ég ætla að hætta að væla og reyna að fá í mig einhvern kraft.
Bless bless kæra dagbók.

2003-03-22T10:15:00.000Z

Kæra dagbók
N'u er ég mætt inn í Kennó til að meðtaka enn einn fróðleikinn. Það var varla að mér tækist að mæta sökum fjölskylduanna en með hjálp tangdapabba sem alltaf er hægt að treysta á þá tókst þetta. Hann tók að sér að koma stráknum í rútu, því hann er að fara að keppa í körfubolta á Hvammstanga.Hann var í gærkvöldi að spila í lúðrasveitamaraþoni til fjáröflunar fyrir lúðrasveitina sem hann er í en þau eru að fara til Þýskalands í sumar að gleðja þjóðverja með blástri sínum. Ég var hins vegar að selja kaffi og kleinur á staðnum því það var hluti af fjáröfluninni að hafa kaffihús. Þetta tókst mjög vel og karokí-ið þar sem foreldrar og gestir komu og sungu við undirleik sveitarinnar þótti mér takast afar vel upp þó að sumir meðlimir yrðu mjög framlágir þegar þeirra foreldrar stigu á svið.
Jæja nú verð ég að hætta því ég ætla að læra eitthvað.
Bless bless kæra dagbók.

2003-03-19T22:21:00.000Z

Kæra dagbók.
Ég er nú meiri vitleysingurinn, ég fór að lesa blogg annarra nemenda og komst að því að verkefni 2 hjá Láru hefur farið alveg framhjá mér svo það er eins gott að ég fari að gera eitthvað.
Mér gengur líka hræðilega að uppfæra bloggið mitt en með því að lesa bloggin hjá hinum þá sá ég að bloggið er uppfært á einhverjum ákveðnum tímum svo að kannski var mitt bara ekki ónýtt og ég sem eyddi því ég er nefnilega svo óþolinmóð.
Jæja þá er að skella sér í smá vinnu og fylgjast með fréttum af yfirvofandi stríðsástandi.
Bless bless kæra dagbók.

2003-03-19T11:17:00.000Z

Kæra dagbók.
Ég er búin að komast að því að ég get bara bloggað í vinnunni og þar er ég nú. Ég er að prófa rosalega flotta Macintosh tölvu, hún væri flott á skrifborðinu hjá mér.
Það eru mikil veikindi í skólanum hjá mér aðalega nemendur, sumstaðar rúmlega helmingur af bekknum veikur. Það er náttúrulega lúksus að kenna þar sem fæstir eru ehe svolítið nastý núna.
Litlar umræður hafa verið um yfirvofandi stríð en þó heyrir ég að margir nemendur hafa áhyggjur og vert væri að eyða svolitlum tíma í stríðstal (síðar).
Nú ætla ég að fara að færa inn í stundvísina hjá nemendum því sumir hafa ekki verið of duglegir að læra heima.
Bless bless kæra dagbók.

2003-03-18T14:39:00.000Z

Kæra dagbók!
Nú er allt verkefnið mitt komið á bloggið. Það er eins og ekkert komist út á tölvunni minni heima hvorki ég né eiginmaðurinn komum neinu á netið. Við vorum að heyra að síminn væri með svo mikla varnagla til að hindra óæskilegt efni að ýmislegt annað kælmist ekki heldur í gegn. Við erum að reyna að fá upplýsingar hjá símanum og vonandi verður hægt að gera eitthvað fyrir okkur. Dæmi um vandamálið er að maðurinn minn ætlaði að lagfæra heimasíðu karlakórsins sem hann er í, en af því að heimasíðan er vistur á islandia þá kemur hann því ekki út. Þetta er fúlt en þó er aðalmálið að þetta er að hindra mig í náminu og þess vegna vil ég koma þessu í lag sem allra fyrst því ég kemst ekki alltaf til að blogga í vinnunni og svo eru forritin sem ég á að nota í náminu ekki til í vinnunni.
Sem sé ég hef ekkert skemmtilegt að segja þér í dag kæra dagbók samt hef ég heyrt marga góða brandara að undanförnu. Ég segi þér þá seinna.
Bless bless kææra dagbók.

2003-03-17T21:19:00.000Z

Kæra dagbók!
Fyrri hlutinn komin inn og engin villumelding enn, þá prófa ég þennan hluta.
Þá er það seinni málstofan sem ég ætla að fjalla um. Þessi málstofa var á laugardaginn og efni hennar var Höfundaréttur og stafræn eintakagerð. Rán Tryggvadóttir lögfræðingur var með þessa málstofu. Fyrst tók hún fyrir lög og reglugerðir sem fjalla um höfundarétt og takmarkanir á höfundarétt. Þetta ræddu hún bæði út frá því hvað við mættum nota frá öðrum og hvað við þyrftum að gera til að fá leyfi til að nota verk annarra. Eins fór hún í það hvernig við gætum verndað okkar verk.
Við verðum að passa okkur að nota ekki verk sem við höfum ekki rétt á og við verðum að virða höfundarétt hins vegar getum við fengið leyfi til að nota þessi verk.
Rán fjallaði líka um stafræn verk sem til þessa hafa verið töluvert misnotuð og höfundaréttur ekki virtur. Höfundarréttarlög gilda einnig um stafræn verk svo að það þarf leyfi til að nota þessi verk. Copy og paste er sem sé alveg bannað nema þetta sé til einkanota.
Þetta hefur þann galla að þetta hindrar tækni möguleikana en um leið er afar erfitt að fylgjast með því að höfundarétturinn sé ekki brotinn.
'Eg hef oft velt því fyrir mér hvað má og hvað má ekki í sambandi við vinnu á netinu og í raun ekkert vitað hvort ég væri að brjóta lög eða ekki. Ég dé að stundum hef ég verið að brjóta lög en sem betur fer ekki oft. Ég er hrædd um að í kennslu séum við oft að brjóta lög þrátt fyrir Fjölís samninginn um leyfi til ljósritunar, sem er á milli Menntamálaráðuneytisins annars vegar og félaga höfundarétta hins vegar. Mín reynsla er sú að sá réttur er í raun ofnotaður enda of litlu fé veitt til námgagnakaupa skólanna.
aðalgallinn við þessa málstofu var kannski of skammur tími því efnið virtist vera mjög aðkallandi og fyrirspurnir voru gríðarlega margar á þessum stutta tíma og margt sem fólk var að velta fyrir sér m.a. hver réttur höfundar væri ef fyrirtæki tæki verk hans og léti í annað forrit og gæfi síðan út í nafni fyrirtækisins, á hverju á höfundur rétt? Rán svaraði fyrispurnum mjög vel og beinti fólki jafnframt á að hafa bara samband við sig.
Ég var ánægð með þessa málstofu og vona að ég brjóti ekki rétt á einhverjum í framtíðinni hvorki höfundarétt né annan rétt.
Bless bless kæra dagbók ég held að nóg sé sagt í bili.

2003-03-17T20:52:00.000Z

Kæra dagbók!
Nú er ég að gera fjórðu tilraun til að koma þessu út, ef ég er ekki að verða gráhærð eða bara geðvond á þessu veseni.
Þá er það framhaldið á verkefninu.
Vefleiðangrar í vistfræði var nafn á málstofu hjá Hólmfríði Sigþórsdóttur. Hún kenndi valáfanga í vistfræði í Fjölbrautaskóla Garðabæjar. Ekki er til nein kennslubók fyrir áfangann en til er handrit að kennlsubók í vistfræði sem Jóhann Guðjónsson og samstarfskona (ég man því miður ekki nafn hennar) hafa verið að setja saman. Handritið hefur verið fjölritað og hafa nemendur keypt það á kostnaðar verði.
Hólmfríður hefur sett áfangann þannig upp að einu sinni í viku er hún með nemendur í tölvustofu og lætur þau vinna vefleiðangra um vistfræði . Hún er svo með tíma á móti í hefðbundinni skólastofu þar sem farið er í "kennslubókina".
Á haustönninni var hún með 8 vefleiðangra m.a. um samspil umhverfis og hreindýra á Austurlandi. Það kom fram hjá henni að þetta hafi verið óheyrilega mikil vinna hjá henni og eins hafi nemendur orðið þreyttir á því að fara í "tölvutima". Þannig að hún hefur hugsað sér að hafa leiðangrana færri í framtíðinni (eða um leið og kennslubókin verður komin út).
Mér virtist þetta vera mjög spennandi en eins og Hólmfríður talaði um þá var þetta of mikið þ.e. of margir leiðangrar á stuttum tíma. Það veldur of miklu álagi á kennarann og nemendur verða þreyttir (leiðir) á þessari vinnu. Sýnishornin sem Hólmfríður kom með af verkum nemenda sýndu þó eingan veginn þreytu þau voru vel unnin og skemmtileg.
Námsmatið fólst að mestu í verkefna vinnu og skilum á vefleiðöngrum sem ég held að sé gott og yfirgripsmikið mat. Eitthvert próf var svo í lokin en gilti einungis um 40 prósent.
Kostirnir sem ég sá við þessa kennslu eru að nemendur verða virkir og það er það sem við kennarar viljum. Eins er kostur að fá þessi verkefni beint inn á tölvu hjá sér og allavega í þessu tilfelli virtist það auðvelda yfirferð. Stór kostur fannst mér líka að geta ráðið töluverðu um námsefnið og að geta hagað verkefnum eftir árstíma og geta gripið það sem efst er á baugi hverju sinni. Í sumum skólum gæti að vísu verið erfitt að koma hinum ýmsu fögum inn í tölvutíma en þó ætti með útsjóna semi og litlum tilkostnaði að vera hægt að leysa það vandamál.
Í heildina hafði ég bæði gagn og nokkuð gaman af þessari málstofu.
Til öryggis kæra dagbók þá ætla ég að setja þetta hér í blogg. Næsta málstofa kemur í næsta bloggi.

2003-03-17T14:02:00.000Z

Kæra dagbók.
Nú á að gera eina tilraun enn til að setja verkefnið mitt á bloggið en ég er búin að reyna mikið. Fyrst ætlaði ég að gera þetta uppi í sumarbústað á laugardaginn en eins og annað í kringum mig þá bilaði fartölvan áður en ég byrjaði að nota hana og þegar ég kom heim í gær ætlaði ég að setja þetta beint inn en allt kom fyrir ekki. Ekkert var hægt að senda út og þetta var ekki bara hjá mér því eiginmaðurinn gat heldur ekki uppfært heimasíðuna sem hann var að vinna í, hún vildi ekki á netið. Nú gengur vonandi allt betur.
Til öryggis þá ætla ég að hafa þetta í nokkrum áföngum.
UT ráðstefnan á Akureyri 28.febrúar til 1. mars 2003.

Margt afar áhugavert var á þessari ráðstefnu þannig að ég geri ráð fyrir að koma aftur að ári. Mér fannst fyrirlestur Jóhanns Guðna Reynissonar sveitastjóra mjög skemmtilegur en líka margt áhugavert sem þar kom fram. Það sem helst stendur kannski upp úr er að "í upphafi skyldi endinn skoða".
Hins vegar var ég fyrir miklum vonbrigðum með fyrirlestur Johan Strid - það var algjört stríð hjá mér að halda athygli og ég náði aldrei almennilegri tengingu við efnið hjá honum.
Ég hefði í raun þurft að deila mér í allavega 4 Rannveigar til að ná helmingnum ef því sem ég vildi sjá og heyra en ég hef valið tvær málstofur til að fjalla um hér. Ég er ekki þar með að segja að þær hafi verið þær bestu en efni þeirra snerti mig beint þ.e. í námi og starfi. Fyrst ætla ég að fjalla um málstofu sem var á föstudaginn um vefleiðangra í vistfræði og síðan um málstofu sem var á laugardag um höfundarrétt og stafræna eintakagerð.
Restin næst kæra dagbók, öryggið fyrir öllu!!!!

2003-03-13T11:16:00.001Z

Kæra dagbók.
Takk fyrir síðast. Það fór illa með mætingaverðlaun krakkanna í gær því þau sáu einhverja eldgamla Hitscok mynd frá 1954 eða 1956, hún er eflaust fín fyrir kvikmyndaáhugamenn en fyrir unglinga, ónei. Það verður eflaust eitthvað betra næst.
Ég er búin að gera tvo vefleiðangra fyrir unglingastig annars vegar og 5-7 bekk hinsvegar en ég á eftir að koma þeim út það hefur gengið illa.
Núna er fíkniefnafræðsla fyrir 9. bekk í skólanum, Marítasamtökin sjá um fræðsluna og mér lýst mjög vel á þetta. Síðan í kvöld kl.20:00 er foreldrum boðið upp á fræðslu. Ég fór sem foreldri á svona fræðslu í haust og hafði bæði af því gagn og nokkuð gaman.
Nú bið ég að heilsa kæra dagbók.

2003-03-13T11:16:00.000Z

2003-03-12T13:50:00.000Z

Kæra dagbók!
Ég hef verið í töluverðum vandræðum með tæknimálin hjá mér en þetta er vonandi að lagast.
'i morgun voru þeir nemendur í skólanum hjá mér sem eru með topp mætingu verðlaunaðir. Þetta mæltist vel fyrir hjá þeim sem eru með góða mætingu en þeir sem ekki höfðu hana voru margir fúlir og vildu meina að það væri vitlaust skráð hjá þeim. Þannig að stór hluti nemenda fór á kvikmyndasýningu en aðrir sátu eftir að vinna að skólaverkefnum. Ég var með 10. bekkinga sem sátu eftir en það voru fáir hjá þeim fúlir og flestir unnu vel enda komnir til vits og ára.
Ég er búin að komast að því fyrir víst að raftækni og ég eigum illa samleið. Ástæðuna veit ég ekki en afleiðingarnar þekki ég því miður of vel. Ég hef t.d. lært að koma ekki nálægt uppþvottavélinni því hvernig færi heimilið að án hennar. Hins vegar hef ég notað örbylgjuofninn óspart og honum var fleygt í síðustu viku, úrskurðaður ónýtur, við keyptum nýjan og hinir þrír hafa notað hann nokkuð vel. Annað dæmi: í morgun fór ég í tölvu upp í skóla, allt fraus svo að ég ákvað að slökkva og takkinn festist inni. Þá ákvað ég að fara í næstu (þá einu sem var laus) allt fraus og ég slökkti og fékk upp fleiri fleiri villumeldingar en að lokum komst ég inn. Pikkaði upp spurninguna sem vantaði í prófið sem ég var að útbúa og hvað gerist, jú þegar ég prentaði út sá ég að ég hafði pikkað sömu spurninguna tvisvar alltaf sama fjörið hjá mér.
Ég hef verið að reyna að fá auglýsingafrítt blogg og ekki gengið en nú ætla ég að gera ennn eina tilraun.
Bless bless kæra dagbók.

2003-03-07T15:05:00.000Z

Kæra dagbók.
Varstu ekki farinn að sakna mín? Ég er víst með slæma útgeislun fyrir tækni því að ekki bara mín tölva fékk vírus heldur datt líka ADSL tengingin út þegar búið var að hreinsa og mata tölvuna varð ég sambandslaus við "umheiminn". Nú síðan gerðist það í vinnunni að ég ætlaði að vinna þar í tölvu og allt fraus, þá var ég fljót að snúa mér að næstu og allt á sömu leið. Ég hraðaði mér bara í kaffi og góða föstudags brandara. Nú er ég komin heim og hef verið í póstsambandi við skýrr því að þeir ætluðu að rukka mig um vefsvæði og ég vildi ekki borga. Eftir að hafa talað við tvo karlmenn sem ætluðu svoleiðis að redda mér, ljóshærða kvenmanninum úr Hafnarfirði, en ég fékk bara ítrekun. Þá fékk ég samband við Jakobínu og að sjálfsögðu reddaði kvenmaðurinn, sem ég ekki veit háralit né uppruna á, mínum málum og ég er skuldlaus hjá skýrr eins og ég átti von á.
Ég var líka að skoða heimasíðu litla frænda, en mamma hans er svo dugleg að vefa, ég ætti kannski að fara á námskeið hjá henni. Eins hef ég verið að skoða bloggin og heimasíðurnar hjá samnemendum mínum, rosalega eru allir klárir.
Nú ætla ég að fara að setja Dreamweaver inn í tölvuna mína og fleira sem vantar eftir "reinsunina".
Ég tók kaffi prófið og er að sjálfsögðu expresso nema hvað sjálfsöryggið uppmálað.div style="font-size:85%; font-family:verdana,sans-serif; text-align:center; color:saddlebrown; padding: 1em; margin: 0.2em 2.5em 0.2em 2.5em; background-color:sandybrown; border: 1px solid black; width: 300px;">Samkvæmt kaffiprófinu er ég
Espresso!
30 ml af mikið brenndu eðalkaffi.
Hvernig kaffi ert þú eiginlega?

Bless bless kæra dagbók.

2003-02-26T11:45:00.000Z

Kæra dagbók!
Hér er ég tölvulausa frúin. Ég var að komast að því að a.m.k. 3 nemendur í mínum umsjónabekk, að sjálfsögðu fyrirmynda nemendur eru með blogg sem ég var rétt í þessu að kíkja á. Hér eftir ætla ég að skoða bloggin þeirra reglulega, ég þarf náttúrulega að fylgjast með þeim utan skólatíma. Dagga virðist komin nokkuð vel á veg með sitt blogg og er víst nokkuð upptekinn við að koma öðru á sporið sem mér finnst bara nokkuð gott sérstaklega í ljósi þess að það er eins og strákarnir hafi verið meira í tölvunotkununni. Áfram stelpur. Andrea og Erla vinna saman í sínum bloggi og það er skemmtilega unnið og verður gaman að fylgjast með þeim áfram, nokkuð frumlegt. Jæja stelpur nú munið þið bara að trúa blogginu fyrir öllum ykkar málum og öllu tralli því ég hef vakandi augu með ykkur :).
Nú þarf ég bara að finna út hvaða fleiri nemendur eru með blogg og svo fylgist ég með.
Kær kveðja frá mér til þín kæra dagbók.

2003-02-25T14:40:00.000Z

Kæra dagbók!
Ég sit enn við tölvuna í skólanum en mín fór í viðgerð í gær og ég vona svo sannarlega að við tvær verðum ekki aðskildar lengi.
Ég pantaði gistingu á Akureyri í gær því að sú gisting sem ég hafði áður fengið brást, svo nú verð ég ein á djamminu. Ég held að þetta verði bara skemmtileg ráðstefna og að fara norður verður eflaust gaman.
ÁRSHÁTÍÐIN er að vísu um kvöldið 1. mars, þannig að spurningin er hvort ég verð komin suður í tæka tíð til að ná dönsunum. Eftir helgina er svo vetrarfrí hjá mér (3. og 4. mars). Eins og málin standa í dag sé ég ekki fram á annað en að ég nýti þá daga til að ná upp heimalærdómnum sem setið hefur á hakanum í tölvuleysinu.
Bless, bless kæra dagbók.

2003-02-24T14:58:00.000Z

Kæra dagbók!
Ég á enn í vírusvandræðum, ekkert gengur að koma mér í samband. Ég er með alvarleg fráhvarfs einkenni, ég get ekkert unnið í tölvunni minni. Ég sem er búin að vera svo ánægð með allar tækninýjungarnar sem ég hef kynnst að undanförnu og svo er ég bara svikin, aumingja ég. Núna sit ég við tölvu í skólanum (setbergsskóla)og kvarta. Það kemur viðgerðarmaður til mín í dag í þriðja sinn vonandi gengur þetta, annars ætlum við að kaupa nýjan harðan disk og ég byrja þá bara upp á nýtt. Kær kveðja til þín kæra dagbók.

2003-02-20T11:29:00.001Z

Kæra dagbók!
Þú hefur eflaust saknað mín undanfarna daga. Ég var svo óheppinn að fá einhvern velþekktan vírus í tölvuna heima hjá mér og hef ekkert unnið í þessari viku því við komumst ekki inn í tölvuna. Það er unnið stíft að opnun og ég vona að það takist fljótlega en "viðgerðarmaðurinn frændi" er ekki alltof bjartsýnn. Ég kemst ekki í Macromedia annars staðar, það er ekki til í skólanum mínum en ég ætla að setja allt inn í tölvuna hjá syninum ef ekki tekst að koma heimilistölvunni í gagnið í dag. Hann verður glaður því að hans búnaður hefur ekki verið nettengdur enn.
Annars er 49. febrúar hjá mér í dag og svo les maður um það í bókum og almannarómur segir að febrúar sé stysti mánuður ársins "common". Krakkarnir eru orðnir mjög þreyttir í skólanum, þessar elskur en þau fá nú líka vetrarfrí bráðlega og koma eflaust eitur hress til baka. Samt held ég að viku frí mundi gera meira fyrir þau, þá væri fríið 9 dagar í stað 5 eins og nú er.
Bless bless kæra dagbók.

2003-02-20T11:29:00.000Z

2003-02-15T17:30:00.000Z

Kæra dagbók!
Ég skellti mér í skólann í dag og hafði bæði gagn og gaman af. Nú er ég að setjast niður til að prófa hvort eitthvað situr eftir hjá mér ég tók allavega fullt af punktum.
Annars er veðrið alveg að gera útaf við mig. Ætlunin var að skreppa út í búð (það eru örugglega hátt í 50 metrar þangað), en ég treysti mér ekki sökum ofsaveðurs. Það er ekki hundi út sigandi svo að ég ætla að senda dótturina, það vantar nefnilega nammi handa mér og það er nammidagur í dag.
Fyrir ekki allslöngu fluttum við úr íbúð í blokk í raðhús. þetta var aðalega gert af tillitsemi við nágrannana því fjölskylda mín spilar á hin ýmsu hljóðfæri. þannig er að pabbinn á bænum er í karlakór og þarf stundum að æfa heima fyrir utan að spila töluvert á gítar, þjóðlaga og klassískann. Sonurinn er að læra á básúnu og hljómborð sem að sjálfsögðu þýðir að það þarf að æfa heima og svo er hann farinn að fikta við gítarspil. Dóttirin er að læra á fiðlu og að læra að syngja þetta krefst líka heimaæfinga að auki fiktar hún líka töluvert við gítarspil. Til að bæta gráu ofan á svart þá fjárfesti fjölskyldan í rafmagnsgítar með magnara nú fyrir helgina og hann hefur ekki þagnað frá því að hann kom í hús (jú sirka 9 tíma í nótt) samt er sonurinn ekki heima, er í æfingabúðum með lúðrasveitinni sem hann er í. Ég held að við höfum hugsað rétt þegar við vildum bara raðhús þar sem útveggir lægu ekki saman heldur væri bílskúr á milli. Kannski eiga nábúarnir eftir að banka upp á, hver veit.
Jæja þá er að fara að prófa sig áfram.
Bless, bless kæra dagbók.

2003-02-14T16:22:00.000Z

Kæra dagbók!
Það er nú meira vælið í mér, ég krækti mér nefnilega í flensu og er búin að liggja eins og slitti í tvo daga og er ekki tilbúin í nein stórræði. Mér var að detta í hug að ég væri bara með ofnæmi fyrir veðrinu.
Ég var að fá póst frá Salvöru vegna náms míns og ætla að kíkja á hvað hún hefur að segja mér veitir ekki af að fara að gera eitthvað. Fyrst á dagskrá er reyndar einn sterkur kaffibolli og spark í botninn.
Bless, bless kæra dagbók.

2003-02-12T22:19:00.000Z

Kæra dagbók.
Þá er "lærudagurinn" að kvöldi kominn og ég hef ekkert lært í dag en ég hef alveg rosalega góðar afsakanir. Strákurinn slasaðist á auga í skólanum og ég þurfti að fara með hann til læknis, sem betur fer kom bara rifa á efsta lagið í auganu þannig að mestar líkur eru á að hann haldi sinni sjón, hún var ekki of góð fyrir. Hann er mjög kvalinn svo að ég hef leikið mjög umhyggjusama móður í dag. Gestagangur hefur líka verið óvanalega mikill, 3x gestir frá klukkan fimm, nokkuð gott því mér finnst svo gott að fá gesti.
Nú er skollið á enn eitt rokið rosa fjör. Ég er nú samt komin í töluverðan gróða því að eftir hvert áhlaup er allt fullt af tómum gosflöskum og dósum við útidyrnar hjá mér og ég safna þeim saman og læt inn í bílskúr, það er kominn dágóður slatti, spennandi að fara út í fyrramálið. Aumingja sá/sú sem hefur lagt hart að sér við drykkju og hefur svo ætlað að græða helling af peningum í sorpu.
Bless, bless kæra dagbók.

2003-02-11T22:02:00.000Z

Kæra dagbók!
Nú er að koma sér að náminu. Það var foreldradagur hjá mér í gær og gékk bara nokkuð vel en ég var svo úrvinda eftir að hafa talað við foreldra og nemendur að samband mitt við umheiminn rofnaði frá því um fimmleitið og fram að sjöfréttum. Ég svaf samt afar vel í nótt, það er svo gott að sofa þegar að úti er hávaðarok og rigning.
Ég átti rólega helgi, lærði og eldaði rosalega góðan mat á laugardaginn, á sunnudaginn fór ég í göngutúr og á tónleika. Ég er svo rosaleg "góð" mamma að ég fór með dótturina á tónleika með færeysku barnastjörnunni Brandi Enni og íslenska barnastjarnan Jóhanna Guðrún kom einnig fram. Mér til furðu var ég bara ánægð með tónleikana og feginn að dóttirin skyldi "tæla" mig með. Þetta hélt ég að ég ætti ekki eftir.
Ég var nú samt að furða mig á, þar sem að ég er orðin svo gömul, hvað það er rosalega mikið í boði fyrir börn og unglinga í dag. Sonur minn 14 ára hefur lært á básún frá því að hann var 8 ára og byrjaði þá strax í lúðrasveit. Í sumar er hann að fara í þriðju utanlandsferðina með sveitinni fyrir utan að vera að fara til Svíþjóðar með körfuboltanum ég sem var kominn yfir tvítugt þegar ég fór fyrst til útlanda. Ég hef að vísu farið í báðar lúðrasveitaferðirnar með honum, hann var ekki nema 9 að verða 10 ára þegar hann fór til Tékklands og Ungverjalands. Síðan fórum við til Frakklands og Þýskalands þegar hann var 12 að verða 13 ára. Þá var meðal annars spilað í Disneygarðinum í París. Við höfðum mjög gaman af þessum ferðum og áætlunin er að fara í enn eina lúðrasveitaferðina í sumar til Þýskalands.
Bless, bless kæra dagbók.

2003-02-06T21:51:00.000Z

Kæra dagbók!
Betri dagur. Þó lagði ég til við aðstoðarskólastjórann í morgun að kennsla hæfist ekki fyrr en klukkan níu í fyrsta lagi í janúar og febrúar, þetta var eftir að ég hafði tekið á móti mis syfjuðum ef ekki sofandi nemendum. Þau gátu ekki einu sinni blaðrað eða mótmælt óhóflegri vinnuhörku af minni hálfu, já ástandið var óvenju slæmt. Sem betur fer þeirra vegna fengum við gestafyrirlesara frá Alnæmissamtökunum. Fyrirlesturinn var góður og náði mjög vel til krakkanna (9.-10. bekkur) og þau voru mjög dugleg að spyrja þegar færi gafst og fengu líka góð svör. Þó held ég að sú fullyrðing að smokkar (verjur) væru lúksustollaðir á Íslandi hafi vakið mesta eftirtekt hjá öllum viðstöddum og þá er ég líka að tala um kennara.
Nú er ætlunin að fara að lesa meira ef lesefninu fyrir skólann, gangi mér vel.
Bless, bless kæra dagbók.

2003-02-04T13:08:00.000Z

Kæra dagbók!
Þá er maður búinn að liggja í "Gullfoss og Geysi" en er öll að hressast. Ég rétt slapp út úr kennslustofunni í gær og er búin að vera arfafúl síðan því svona aumingjaskapur eyðileggur allar flottu áætlanirnar (eins og þær hefðu gengið upp).
Ég er allavega búinn að panta mér flugfar til Akureyrar 28. febrúar, það hvarflaði nú samt að mér að fara með rútu og vera hagsýn í fjármálum til tilbreytingar en minn ektamaki benti mér vinsamlegast á að ef ég ætlaði að ná einhverju á ráðstefnunni þá væri nú betra að fljúga. Ég er nefnilega haldinn óstjórnlegri bílveiki eða réttara sagt rútu og strætó veiki. Ef ég neyðist til slíkra ferða þá verð ég sambandslaus og það tekur mig yfirleitt nokkurn tíma að jafna mig.
Ég er aðeins að byrja núna að lesa það sem okkur í náminu var bent á á netinu, ég ætla nefnilega að reyna að nota veikindadaginn í þetta þó að ég sé hræðilega slöpp.
Bless, bless kæra dagbók.

2003-02-02T00:10:00.000Z

Kæra dagbók!
Nú er ég sko fúl, ég var búinn að skrifa þennan líka frábæra text og svo bara datt nettengingin út og allt ónýtt, algjört frat. Það gékk líka afar illa að koma heimasíðu uppkastinu á netið svo að ég sendi út neyðarkall. Frændi minn (bróðursonur) kom og bjargaði geðheilsu minni, þessi elska. Hann hefur alltaf verið svona elskulegur, alltaf mjög meðfærilegur í pössun, bara að lesa svolítið fyrir hann og ekkert mál en það borgaði sig yfirleitt ekki að breyta uppröðun smáhluta á heimilinu því hann færði þá samviskusamlega á "sinn" stað aftur. Reyndar þurftum við hjónin, þá að vísu kærustupar, að hafa svolítið fyrir kauða þá 10 ára gömlum. Hann var í Kaupmannahöfn í heimsókn hjá frænku og við búin að skemmta okkur frábærlega á "Bakken" þegar átti á fá sér gott að borða kom í ljós að grillaðir kjúklingar voru efst á óskalista piltsins. Eftir um það bil tveggja tíma leit í miðborginni af stað sem seldi venjulega grillaða kjúklinga fannst staðurinn, Yesss. Kjúklingurinn á borðið og átið hefst en hvað fer ekki litli frændi að plokka grillhúðina af besta hlutann, það skal tekið fram að þetta var fyrir tíma heilsuátaks, jæjæ fæst orð bera minnsta ábyrgð en allavega munum við þetta enn þann dag í dag mjög vel.
Loksins eftir töluverða vangaveltur er ég komin með hugmynd af "vefrallýi". Ég ákvað að best væri að taka fyrir eitthvað sem ég gæti nýtt mér strax og prófað á nemendum. Hugmyndin er að vinna út frá stjörnufræði (ég er að kenna bókina Sól, tungl og stjörnur) þá væri hægt að nýta sér nasa.gov, íslenska vísindavefinn, morgunblaðið og margt fleira en ég þarf að útfæra þetta miklu betur og er reyndar spennt að vinna að þessu verkefni.
Nú er best að gera Post &Publish. Bless Bless kæra dagbók.

2003-02-01T11:19:00.000Z

Kæra dagbók!
Ég er búin að sitja við tölvuna marga klukkutíma þessa viku svo kíkir maður á fréttasíðurnar og les þar að löng seta við tölvur er líkleg til að valda þunglyndi. Samkvæmt því hlýt ég að vera afar hætt komin. Til að forða stórskaða þá fór ég í "kaffiboð" í gær, en ég er í matar- eða öllu heldur skemmtilegum klúbbi og við hittumst í kaffi og með því í gær og höfðum það sérdeilis gott. Þannig að eftir að hafa hitt þetta skemmtilega fólk er ég ekki í bráðri hættu.
Ástæðan fyrir setu minni við tölvna er að illa gengur að koma uppkastinu af heimasíðu minni inn á netið, ég er búin að fá svæði og það sést á netinu undir www.ismennt.is/not/rvigf, en þegar ég ætla að færa yfir kemur alltaf babb í bátinn, "signal lost" eða "can´t find sever". Nú er bara að bretta upp ermar og reyna áfram, kannski að fá utanaðkomandi hjálp.
Annars er ég búin að komast að því að máttavöldin hafa eitthvað klikkað þegar mér var valinn lendingastaður því að um leið og hér fer að koma íslenskt vetrarveður þá fer astminn að gera mér lífið leitt og það furðulega er að þegar að íslenska sumarveðrið gerir vart við sig (suð-vestan rigning og rok) þá gerist það sama. Hvað um það, ég sem var skógarbjörn í fyrra lífi og lagðist í dvala á veturna er miklu betur vakandi nú í janúar en oft áður ég held að það sé vegna þess að ég er svo oft í tölvunni. Nú ætla ég að skella mér að vinnu og koma vefsíðuprufunni inn á netið.
Bless, bless kæra dagbók!!!!!

2003-01-29T22:17:00.000Z

Kæra dagbók!
Þá er að setja inn mynd af sér svo að þið lesendur kæru getið séð hvernig ekta Hafnfirðingur lítur út. Ég var nefnilega nýlega að komast að því að ég er ekki Gaflari, því til þess að geta kallast Gaflari er ekki nóg að vera fæddur í Hafnarfirði og að pabbi og afi (enn lengra aftur) hafi fæðst þar. Maður þarf semsé að vera afkomandi þeirra manna sem stóðu undir húsgafli niður við höfn á kreppuárunum og biðu eftir vinnu, eftirvill við uppskipun. Nei mínir áar voru á sjónum, skipstjórar og stýrimenn. Ég sem hef ætt út um heiminn og gefið Gaflarann ("handmade" brúða sem á að vera eftirmynd hins dæmigerða manns sem beið í von og óvon um vinnu í Hafnarfirði á kreppuárunum) á báðar hendur til þess að fólk muni eftir komu minni, eða var það kannski til þess að komu Lúðrasveitar Tónlistakóla Hafnarfjarðar væri minnst. Ég er sem sagt ekki Gaflari heldur Hafnfirðingur, borið fram Hafff-firðingur.
Ég á nú eftir að bæta við síðuna um tæknivæðingu mína og eins að lýsa framtíðarsýn minni í þeim efnum, þangað til næst bíðið spennt!
Bless bless kæra dagbók, þín Rannveig

2003-01-27T21:53:00.000Z

Kæra dagbók!
Nú er ég búinn að kíkja á dagbækur annarra nemenda sem eru á námskeiðinu með mér í Kennó, ma..ma..maaa veit varla hvað mar er að gera. Ekkert er kannski rétta orðið allavega er þörf úrbóta.
Þetta með tæknimálin og mína tæknisögu, það er nú ekki svo að ég hafi mikið á móti tækninni en hún hentar mér ekki alltaf. Samanber það að fólk kvartar sífellt undan því að ég tali of hátt í síma en það er nú bara til að tryggja að viðmælandinn heyri í mér því ég get jú verið að tala við einhvern í næsta byggðalagi.
Tæknibúnaður fjölskyldunnar bliknar við lestur dagbóka tæknivæddra samnemenda. Þó hefur verið gerð töluverð bragarbót á á síðustu árum, ég tala nú ekki um eftir að við fyrir tæpum tveimur mánuðum fluttum í annað húsnæði, svona meira útaf fyrir okkur! Nú erum við t.d. með eldavél þar sem hægt er að tímastilli hvenær steiking á að hefjast í bakaraofninum, við höfum reyndar ekki sett okkur inn í þá tækni ennþá. Eins höfum við lúmskan grun um að þessi tímastillir geti líka sett af stað þetta ljómandi fallega halogen-helluborð, það er svo flott þegar maður kveikir, rauð ljós og æðislegt, sérstaklega að kvöldi þegar önnur ljós eru slökkt. Það var nefnilega eitthvað annað með Rafha jálkinn sem settur var saman í raftækjaverksmiðu Hafnarfjarðar, Rafha, líklega rétt fyrir 1970 (minnug þess að allt hafnfirskt er best, sækja ekki út fyrir stór-Hafnarfjarðarsvæðið) . Jálkurinn sá stóð sig með prýði og gerir eflaust enn, þó að diskóljósin séu ekki til staðar. Við eigum líka uppþvottavél (þvílíkt þarfaþing þar sem ég hef örugglega ofnæmi fyrir uppvaski) nú svo er það þessi fína AEG þvottavél sem vindur frá 700-1500 snúninga og hægt er að setja í hana að kvöldi og stilla hana þannig að hún er nýbúin að þvo þegar ég skreiðist fram úr á morgnana og get hengt upp eða ennþá betra sett í þennan líka fína þurrkara og allt er þurrt áður en ég fer í vinnuna tuttugu mínútum fyrir átta, GLÆSILEGT.
Í dag eru tvær tölvur á heimilinu, unglingurinn er með eina árgerð 2002 sem er 1700 MH og 40 GB en hún er ekki nettengd, allt undir kontról á þessu heimili. Við hjónin erum hinsvegar með nær þriggja ára gamla tölvu sem hefur nýst okkur afar vel í starfi og námi (beggja) en vinnsluminni hennar er 256 MHZ og 10 GB. Þessi er hinsvegar ADSL nettengd, við bjuggum þó við þann lúksus að vera beintengd á gamla staðnum en ég sakna þess töluvert.
Mín fyrstu kynni af tölvum var í gegnum leiki fyrir nær 20 árum, ég er á sama stað í dag en er samt hætt að spila "tetris".
Við erum nokkuð símavædd, fyrir utan heimilissíma er ég með nokia 3310 GSM síma, upphaflega var það reyndar bróðir minn sem lét mig fá sinn gamla svo það væri einhvern tíma hægt að ná í mig, ég sem er þó yfirleitt heima á milli 05 og 07 á morgnana.
Í bili ætla ég ekki að fara meira út í tæknimál heimilisins en mig dreymir um sjálfvirkann bílskúrshurðaopnara, bílskúrinn minn er nefnilega ennþá fullur af dóti eftir flutninginn, skrítið við sem vorum að stækka við okkur.

2003-01-24T19:44:00.000Z

Kæra dagbók!
Ég hef verið að skoða bréfin frá Salvöru og nú er kominn tími til að fara að læra heima. Mér finnst þó afar spennandi að setjast niður, fá mér pizzu, horfa á Disney-mynd og nammi eftirrétt.
'Ég hef verið að skemmta mér við próf yfirferð, ekki vissi ég að hægt væri að kaupa "experienced shoes" í London en það ku vera hægt að vísu höfðu aðrir nemendur verslað "expensive shoes". Alltaf gaman að fara yfir próf, ég hlakka til að fara yfir líffræðina þar er alltaf eitthvað skemmtilegt.
Nú er bara að drífa sig í pizzuna sem eiginmaðpurinn var að bera inn.
Bless, bless kæra dagbók---Rannveig.

2003-01-23T20:09:00.000Z

Kæra dagbók!
Mér gékk ekki nógu vel að setja bloggið inn í gærkvöldi. Mér var sagt að þetta ókeypis blogg væri svolítið "dintótt" á stundum. Allavega komst þetta inn að lokum.
Hér kemur smá kynning á mér en það er hluti af vinnunni í náminu Nám og kennsla á netinu, en ástæðan fyrir mínu bloggi er vera mín á þessu námskeiði.
Ég heiti Rannveig og er Vigfúsdóttir.
Ég er grunnskólakennari og kenni við Setbergsskóla í Hafnarfirði. Ég sæki lítið út fyrir Hafnarfjörð og hef alltaf hagað lífi mínu þannig að ég þurfi lítið að fara út úr bænum. Menntun hef ég sótt í Kennaraháskóla Íslands enda er hann á stór-Hafnarfjarðarsvæðinu. Ég er fædd á elliheimilinu hér í Hafnarfirði nánar tiltekið Sólvangi, ég held að það sé vegna þess að mamma var orðin svo gömul þegar hún átti mig, en ég er gerð úr afgöngum því ég á þrjá eldri bræður og eina eldri hálf-systur frá pabba. Í sögu Hafnarfjarðar er þess hinsvegar getið að Sólvangur hafi gegnt hlutverki fæðingadeildar eftir miðja síðustu öld.
Eiginmanninn náði ég í hér í Hafnarfirði því maður fer nú ekki yfir lækinn til að sækja vatnið, hann vill þó meina að hann hafi náð í mig. Í dag eigum við tvö börn eða eru þau ekki bara unglingar. Vigfús Almar er eldri fæddur 1988 og er því á fimmtánda ári, Inga María er fædd 1990 og því á þrettánda ári.
Námsbrautin sem ég stunda nám á heitir ´Kennslufræði og námsefnisgerð´, enn sem komið er lýst mér vel á þetta nám.
Skrifa meira seinna. Kveð þig nú kæra dagbók því ég ætla að horfa á lokamínúturnar í leik Íslands og Portúgals. Bless bless, Rannveig.

2003-01-23T19:45:00.000Z

[1/22/2003 10:53:45 PM | Rannveig Vigfúsdóttir]
Kæra dagbók. *Rétt byriun? Ég hef átt annríkt síðustu daga við að pína börn, ég hef mest gaman af að pína börn í efstu bekkjum grunnskóla. Nú voru það annaprófin. Nú sit ég hins vegar sveitt og fer yfir prófin, gaman, gaman.
Við hjónin fórum í dag og keyptum okkur nýtt eldhúsborð, lítið og nett. Það kemur afar vel út og eflaust verður gott að vinna við það en mér líður alltaf voða vel í eldhúsinu því þá er ég svo nálægt matnum.+
Ég horfði á Innlit útlit og hafði mjög gaman af. Ég fer alltaf frá sjónvarpinu í góðu skapi þegar ég er búin að horfa á Völu og félaga svo ég tali nú ekki um húsráðin góðu. Mér finnst þessi þáttur svo jákvæður ekki þetta svartnættis þvaður eins og maður verður alltof mikið var við á öldum ljósvakans. Allt er svo "brilljant" og sniðugt og þessi heimili eru ekki einhverjar glansmyndir sem ekki gætu átt sér stað, heldur heimili þar sem fólk býr og nýtir hlutina oft á mjög skemmtilegan máta. Áfram Vala!!!!!!!!!!
Ég ætla að hætta í bili en fyrirheitin eru að vera dugleg að blogga. Bless kæra dagbók kveðja, Rannveig
[edit]

2003-01-22T23:53:00.000Z

Kæra dagbók. *Rétt byrijun? Ég hef átt annríkt síðustu daga við að pína börn, ég hef mest gaman af að pína börn í efstu bekkjum grunnskóla. Nú voru það annaprófin. Nú sit ég hins vegar sveitt og fer yfir prófin, gaman, gaman.
Við hjónin fórum í dag og keyptum okkur nýtt eldhúsborð, lítið og nett. Það kemur afar vel út og eflaust verður gott að vinna við það en mér líður alltaf voða vel í eldhúsinu því þá er ég svo nálægt matnum.+
Ég horfði á Innlit útlit og hafði mjög gaman af. Ég fer alltaf frá sjónvarpinu í góðu skapi þegar ég er búin að horfa á Völu og félaga svo ég tali nú ekki um húsráðin góðu. Mér finnst þessi þáttur svo jákvæður ekki þetta svartnættis þvaður eins og maður verður alltof mikið var við á öldum ljósvakans. Allt er svo "brilljant" og sniðugt og þessi heimili eru ekki einhverjar glansmyndir sem ekki gætu átt sér stað, heldur heimili þar sem fólk býr og nýtir hlutina oft á mjög skemmtilegan máta. Áfram Vala!!!!!!!!!!
Ég ætla að hætta í bili en fyrirheitin eru að vera dugleg að blogga. Bless kæra dagbók kveðja, Rannveig

2003-01-18T16:15:00.000Z

Nú er bara að prófa að blogga heima. Sonurinn er nokkuð áhugasamur um þetta nám móðurinnar og vill fá að fylgjast með. Nú er bara að sá hvernig gengur.

2003-01-18T13:51:00.000Z

nú er á að vera kominn íslenskur tími og dagatal.

2003-01-18T13:44:00.000Z

jæja nú ætla ég að fara heim. Ég á eftir að lesa http://www.mbl.is">

2003-01-18T13:25:00.000Z

Hér prófa ég aftur

2003-01-18T13:22:00.000Z

ég er að prófa dagbók